Á ég rétt á einstaklingsbundinni þjónustuáætlun? 

Einstaklingsbundin þjónustuáætlun er fyrir fatlað fólk sem notar þjónustu margra ólíka kerfa, meðal annars velferðarþjónustu. 

 

Hvernig sæki ég um einstaklingsbundna þjónustuáætlun? 

Ráðgjafi á þjónustumiðstöð skal eiga frumkvæði að því að einstaklingsbundin þjónustuáætlun sé gerð. Notandi getur einnig átt frumkvæði að því að áætlun sé gerð með því að ræða við ráðgjafa sinn.  
 

Hvernig virkar áætlunin og þjónustuteymið? 

Ráðgjafi á þjónustumiðstöð vinnur einstaklingsbundna þjónustuáætlun í samvinnu við notanda og samstarfsaðila frá öðrum þjónustukerfum. Í áætluninni koma fram markmið þjónustunnar, hlutverk og samspil ólíkra kerfa og hvernig samskiptum og miðlun upplýsinga skal háttað. 

Aðilar sem koma að einstaklingsbundinni þjónustuáætlun mynda þjónustuteymi sem vinnur að markmiðum áætlunarinnar og mætir þörfum notandans fyrir þjónustu. Hafi notandi athugasemdir við framkvæmd eða óski eftir því að gera breytingar leitar hann til ráðgjafa síns á þjónustumiðstöð.  

 

Hvaða lög gilda um þjónustuáætlanir og þjónustuteymi?

Lög nr. 38/2018 um fatlað fólk með langvarandi stuðningsþarfir

 

Hvar fæ ég frekari upplýsingar? 

Frekari upplýsingar veitir starfsfólk þjónustumiðstöðva. Einnig er hægt að hringja í þjónustuver Reykjavíkurborgar í síma 4 11 11 11 eða senda tölvupóst á upplysingar@reykjavik.is.