Hvernig gengur þetta fyrir sig?

Vorhreinsun hefst í apríl og fer fram í öllum hverfum Reykjavíkur þegar svæði koma skítug undan snjó. Við byrjum á að sópa helstu stíga sem og stofnbrautir og safngötur. Í framhaldi eru húsagötur sópaðar og þvegnar. 

Tilkynningar um hreinsun eru sendar út á samfélagsmiðlum og á hverfasíðum, ásamt því að settar eru upp merkingar í hverfunum.

Að hausti er svo farin ein umferð af sópun á götum og gönguleiðum til að viðhalda góðu ástandi eftir að laufblöð eru byrjuð að falla. Gert er ráð fyrir að hausthreinsun hefjist í október.

Í þessu stutta myndbandi sérðu hvernig við stöndum að hreinsun gatna og gönguleiða.

 

Sýna allt Loka öllu

Algengar spurningar og svör

Sýna allt Loka öllu

Hér má sjá yfirlitsmynd yfir verkáætlun vorhreinsunar eftir þjónustuflokkum, hverfum og vikum.

Skoða verkáætlun í góðri upplausn

vorhreinsun2021_2.jpg

Megináherslan í hreinsun gatna og gönguleiða er á vorin og fram á sumar. Einnig er farin yfirferð að hausti til að viðhalda góðu ástandi og þá er sérstök áætlun um hreinsun miðborgarinnar. Á veturna tekur við snjóhreinsun og er sérstök upplýsingasíða um hana.   

  • Miðbærinn er hreinsaður frá kl. 6.00 til 9.00 á morgnanna með mismunandi tækjum.
  • Frá vori og fram á haust (15.apríl-15.nóv) er miðbærinn hreinsaður alla daga vikunnar.
  • Yfir vetrartímann (16.nóv-14.apríl) er miðbærinn hreinsaður fjóra daga vikunnar.
  • Miðbærinn er sápuþveginn að meðaltali aðra hverja viku og tjarnarbakkinn er hreinsaður vikulega.
  • Stampar eru tæmdir daglega á fjölförnustu stöðunum.
  • Hér er hægt að skoða yfirlitskort yfir hreinsun í miðbænum.

  1. Byrjað er á hreinsun helstu göngu- og hjólastíga - sem og stofnbrauta og tengibrauta gatna og stíga í kringum þær
  2. Síðan hefst hreinsun og þvottur húsagatna, stétta og stíga við þær. 
  3. Að lokum er farið í götuþvott á stofn- og tengibrautum.

Í Borgarvefsjá er hægt að skoða framvindu hreinsunar. Í sjánni er síðan ýtt á takka merktan „Skýringar“ til að sjá hvað litirnir þýða. Einnig má nota „Meira“ takkann og smella á ákveðna götu eða stíg til að sjá hvaða dag síðast var sópað.

Til verksins eru notuð sérútbúin vélknúin tæki:

  • 8 götusópar,
  • 8 gangstéttasópar,
  • 3 sugur,
  • 3 stórir vatnsbílar með háþrýstibúnaði,
  • 3 stampalosunarbílar

Þjónustumiðstöð borgarlandsins hefur umsjón með hreinsun gatna og gönguleiða.

Við viljum gjarnan fá ábendingar um það sem betur má fara. Þú getur sent inn ábendingar í gegnum ábendingakerfið okkar (sjá hér) eða með því að hringja í þjónustuver Reykjavíkurborgar, Borgartúni 12–14, í síma 4 11 11 11. Starfsmenn þar færa þá ábendingu inn í kerfið. Þjónustuverið er opið kl. 8.20–16.15 alla virka daga. Netfang: upplysingar@reykjavik.is.

Hér fyrir neðan má sjá verkáætlanir liðinna ára.

Verkáætlun 2020

Verkáætlun 2019

Verkáætlun 2018

Verkáætlun 2017

Verkplan 2016