Hvað er slegið?

Gras á borgarlandi, í almenningsgörðum, við þjóðvegi í þéttbýli og á stofnanalóðum Reykjavíkurborgar er slegið.  Ekki er slegið innan lóða hjá fólki og eru íbúar hvattir til að kynna sér lóðamörk, sem hægt er að gera í Borgarvefsjá.

Hver slær?

Verktakar sinna slætti meðfram þjóðvegum í þéttbýli, en boðið er út í samvinnu við Vegagerðina.  Um er að ræða 113 hektara, sem áætlað er að slegnir verði fjórum sinnum yfir sumarið.

Starfsfólk garðyrkjudeildar sinnir slætti í almenningsgörðum, svo sem í Laugardal, Hljómskálagarði, Klambratúni, Grundargerði, Austurbergi, Seljatjörn og í Mæðragarði við Rofabæ.  Um er að ræða í kringum 46 hektara, sem slegnir eru allt að vikulega.

Verktakar og starfsfólk á Þjónustumiðstöð borgarlandsins sinna slætti á öðrum svæðum, svo sem í íbúðahverfum og á grunn- og leikskólalóðum.  Um er að ræða 310 hektara sem áætlað er að slá um þrisvar sinnum yfir sumarið. 

Á yfirlitskortinu hér fyrir neðan má sjá nánar um skiptinguna. Smella á mynd til að sjá stærri. 

Alls eru því slegnir 469 hektarar af grasi á 10.217 sláttusvæðum í Reykjavík.

Kostnaður við grasslátt hjá Reykjavíkurborg

Myndin sýnir bókfærðan kostnað við grasslátt á borgarlandi á verðlagi hvers árs í milljónum króna.

 

Í þessum tölum er ekki kostnaður við grasslátt í almenningsgörðum.

Hvað er búið að slá, hve oft og hvenær?

Hægt er að fylgjast með framvindu grassláttar í Borgarvefsjá. Þar er hægt að sjá hvaða svæði hafa verið slegin, auk þess sem hægt er að kalla fram síðustu úttekt á verki og fjölda sláttuumferða.

Fyrirspurnir og/eða ábendingar

Best er að senda ábendingar um slátt inn í ábendingakerfi Reykjavíkurborgar.  Auk þess er hægt að hringja í þjónustuver Reykjavíkurborgar í síma 4 11 11 11 og mun starfsfólk þar sjá um að færa ábendingar inn í ábendingakerfið.  Þjónustuver er opið kl 8.20 - 16.15 alla virka daga.