Hvað er Götuleikhús Hins Hússins?

Á hverju sumri býðst ungmennum á aldrinum 17 til 25 ára að sækja um að starfa með Götuleikhúsinu. Árlega er leikstjóri fenginn til liðs við leikhúsið, ásamt búningahönnuði sem hannar búninga og leikmyndir í samvinnu við hópinn. Meðlimir Götuleikhússins fá því þjálfun í öllu því helsta sem tengist starfi götuleikhúss, þar sem að leikararnir koma að öllum undirbúningi sem viðkemur sýningunum.

Götuleikhúsið er orðið vel þekkt á meðal borgarbúa, enda hefur leikhúsið verið starfrækt yfir sumartímann frá árinu 1994. Síðan þá hefur leikhúsið fóstrað stóran hóp ungs fólks, sem margir hverjir starfa í dag sem þekktir listamenn á ýmsum sviðum.

 

Hvernig er hægt að sækja um?

Götuleikhúsið er starfrækt í 8 vikur yfir sumartímann og þurfa umsækjendur að eiga lögheimili í Reykjavík. Auglýst er eftir umsóknum árlega með öðrum sumarstörfum Reykjavíkurborgar og eru allir umsækjendur kallaðir í leikprufur.

Yfir vetrartímann vinna fyrrum Götuleikhúsmeðlimir oft sjálfstætt og taka að sér verkefni fyrir ýmsa aðila.
 

Fyrirspurnir og/eða ábendingar

Til að fá nánari upplýsingar er hægt að senda tölvupóst á netfangið hitthusid@hitthusid.is.

eða í síma 411 5500.