Hvað er í boði? 

Fatlað fólk er hvatt til að sækja um almenn störf sem auglýst eru af Reykjavíkurborg. Ef af ráðningu verður er reynt að mæta sérhæfðum þörfum starfsfólks eftir bestu getu. Þegar þörf er á aðstoð við atvinnuleit, þjálfun í starf eða stuðning við að halda vinnu á almennum vinnumarkaði getur atvinna með stuðningi (AMS) hentað en sú þjónusta er á vegum Vinnumálastofnunar. 

Fatlað fólk sem ekki er fært um að sinna almennum störfum og þarf umfangsmeiri aðstoð getur sótt um verndaða vinnu, hæfingu og virkniþjálfun sem sniðin er að þörfum hvers og eins hvað varðar stuðning, tímalengd og verkefni.  

 

Hvernig sæki ég um? 

Vinnumálastofnun tekur við umsóknum og boðar þig í kjölfarið í viðtal þar sem næstu skref eru ákveðin.  

 

Hvað gerist næst? 

Ef niðurstaðan er sú að vernduð vinna, hæfing eða virkniþjónusta henti þér sendir Vinnumálastofnun málið áfram til viðeigandi sveitarfélags. Það er hlutverk þess að finna verndaða vinnu, hæfingu eða virkniþjónustu við hæfi. 

 

Starfsstaðir 

Reykjavíkurborg starfrækir eftirfarandi vinnu- og virknistaði: 

  • Iðjuberg dagþjónusta
  • Gylfaflöt dagþjónusta
  • Ópus – vinnu og virknimiðstöð 
  • SmíRey – smíðastofa fyrir einhverfa  

Auk þess geta íbúar Reykjavíkurborgar sótt um vinnu og virkniþjónustu hjá eftirfarandi stöðum á höfuðborgarsvæðinu:

  • Kópavogur: Hæfingastöðin Dalvegi og Örvi starfsþjálfun 
  • Hafnarfjörður: Hæfingastöðin Bæjarhrauni og Geitungarnir 
  • Mosfellsbær: Handverkstæðið Ásgarður  

Umsókn um vinnu- og virkniþjónustu fer alltaf í gegnum Vinnumálastofnun. 

    

Hvaða lög gilda um þjónustuna?

Lög um þjónustu við fatlað fólk með langvarandi stuðningsþarfir nr. 38/2018

 

Hvar fæ ég frekari upplýsingar? 

Frekari upplýsingar veitir Vinnumálastofnun eða starfsfólk þjónustumiðstöðva