Grasagarður Reykjavíkur er lifandi safn undir berum himni. Grasagarðurinn var stofnaður árið 1961 og er rekinn af Reykjavíkurborg. 

Um Grasagarðinn

Grasagarður Reykjavíkur er lifandi safn undir berum himni. Grasagarðurinn var stofnaður árið 1961 og er rekinn af Reykjavíkurborg. Hann tilheyrir skrifstofu umhverfisgæða sem er hluti af umhverfis- og skipulagssviði Reykjavíkurborgar. Umhverfis- og heilbrigðisráð fer með málefni Grasagarðsins.

Hlutverk Grasagarðsins er að varðveita og skrá plöntur til fræðslu, rannsókna og yndisauka. Í garðinum eru varðveittar um 5000 plöntur í átta safndeildum. Plöntusöfnin gefa hugmynd um fjölbreytni gróðurs í tempraða beltinu nyrðra. Sérhver safndeild gegnir ákveðnu hlutverki, til dæmis að sýna og kynna íslenskar plöntur, trjágróður eða mat- og kryddjurtir.

Fræðsla og viðburðir 

Eitt meginhlutverk Grasagarðsins er fræðsla og boðið er upp á fjölbreytta fræðslu fyrir almenning og skólahópa árið um kring. Markmið fræðslunnar er að nýta hin margvíslegu plöntusöfn til fræðslu um umhverfið, garðyrkju, grasafræði, dýralíf, garðmenningu og grasnytjar sem og til eflingar útiveru og lýðheilsu. 

Viðburðadagskráin er spennandi árið um kring. Upplýsingar um viðburði má finna hér.

Móttaka og leiðsögn hópa: Langar hópinn þinn að fá leiðsögn um Grasagarðinn? Tekið er á móti skóla-, vinnustaða- og félagahópum eftir samkomulagi. Bókanir og nánari upplýsingar fást hjá Björk Þorleifsdóttur í síma 411 8650 virka daga kl. 9 - 15 eða á botgard@reykjavik.is.

Opnunartími 

Á sumrin (1. maí - 30. september) kl. 10 - 22.

Á veturna kl. 10-15

Flóran Café/Bístró  

Flóran Café/Bístró býður upp á ljúffengar veitingar með áherslu á hráefni úr eigin ræktun. Kaffihúsið er starfrækt í garðskálanum í fallegu og er opið yfir sumartímann en lokað yfir vetrartímann..Nánari upplýsingar á www.floran.is

Flóran Café/Bístró  er opin daglega á sumrin kl. 10-22.

Annað

Heimasíðan heitir grasagardur.is

Grasagarðurinn er líka á Facebook: www.facebook.com/grasagardur.