Á embættisafgreiðslufundi skipulagsfulltrúa 5. mars 2021 var lögð fram tillaga um breytingu á deiliskipulagi reist 1.180.2 vegna lóðarinnar nr. 21 við Ingólfsstræti. Í breytingunni felst að endurbyggja skúrinn á baklóð og gera samtengda viðbyggingu við skúrinn í sömu stærð og sömu einkennum, samkvæmt deiliskipulags- og skuggavarpsuppdr. Studio Granda dags. 1. mars 2021.

Með vísan til 2. mgr. 44. gr. laga nr. 123/2010 er eftirtöldum hagsmunaaðilum gefinn kostur á að tjá sig um tillöguna:

Húseigendum að Ingólfsstræti 19, 21A, 21B, 21C og 21D og 23, Spítalastíg 1, 1A, 3 og Hallveigarstíg 2, 4, 6, 6A, 8 og 8A.

Bent skal á að leigutakar húsnæðis á ofangreindum lóðum teljast einnig til hagsmunaaðila og skulu húseigendur kynna tillöguna fyrir þeim.

Nánari upplýsingar eru veittar hjá skipulagsfulltrúa, verkefnisstjóri er Birkir Ingibjartsson.

Kynning hefst þann 29. mars 2021 og skal athugasemdum við ofanskráða tillögu komið til skipulagsfulltrúa skriflega eða á netfangið skipulag@reykjavik.is eigi síðar en 30. apríl 2021.

Umhverfis- og skipulagssvið notar þær persónugreinanlegu upplýsingar sem settar eru fram vegna athugasemda við skipulag, s.s. kennitölu, nafn og netfang í þeim tilgangi að vinna úr athugasemdum og auðkenna borgarbúa. Að auglýsingarferli loknu eru gögn varðveitt í 30 ár og flytjast að þeim tíma liðnum til Þjóðskjalasafns Íslands skv. lögum nr. 77/2014 um opinber skjalasöfn. Nánari upplýsingar um meðferð persónuupplýsinga hjá Reykjavíkurborg má finna hér.

Vakin er athygli á því að athugasemdir teljast til opinberra gagna í allri skipulagsmeðferð og birtast meðal annars nöfn borgarbúa í fundargerðum umhverfis- og skipulagsráðs á netinu.