Á embættisafgreiðslufundi skipulagsfulltrúa 29. janúar 2021 var lögð fram tillaga um breytingu á deiliskipulagi Fossvogshverfis, svæði 2, vegna lóðarinnar nr. 1-19 2-18 við Helluland. Í breytingunni felst stækkun á byggingarreit hússins nr. 1-5 við Helluland fyrir viðbyggingu, samkvæmt uppdr. ALARK arkitekta ehf. dags. 16. desember 2020.

Með vísan til 2. mgr. 44. gr. laga nr. 123/2010 er eftirtöldum hagsmunaaðilum gefinn kostur á að tjá sig um tillöguna:

Húseigendum að Goðalandi 1-3 og 2-8, Hellulandi  7-19 og 2-24. 

Bent skal á að leigutakar húsnæðis á ofangreindum lóðum teljast einnig til hagsmunaaðila og skulu húseigendur kynna tillöguna fyrir þeim.

Nánari upplýsingar eru veittar hjá skipulagsfulltrúa, verkefnisstjóri er Lilja Grétarsdóttir.

Kynning hefst þann 16. febrúar 2021 og skal athugasemdum við ofanskráða tillögu komið til skipulagsfulltrúa skriflega eða á netfangið skipulag@reykjavik.is eigi síðar en 16. mars 2021 nk.

Umhverfis- og skipulagssvið notar þær persónugreinanlegu upplýsingar sem settar eru fram vegna athugasemda við skipulag, s.s. kennitölu, nafn og netfang í þeim tilgangi að vinna úr athugasemdum og auðkenna borgarbúa. Að auglýsingarferli loknu eru gögn varðveitt í 30 ár og flytjast að þeim tíma liðnum til Þjóðskjalasafns Íslands skv. lögum nr. 77/2014 um opinber skjalasöfn. Nánari upplýsingar um meðferð persónuupplýsinga hjá Reykjavíkurborg má finna hér.

Vakin er athygli á því að athugasemdir teljast til opinberra gagna í allri skipulagsmeðferð og birtast meðal annars nöfn borgarbúa í fundargerðum umhverfis- og skipulagsráðs á netinu.