Um 600 matjurtagarðar eru leigðir út á vegum borgarinnar, þar af eru 200 í Skammadal.

Hvar eru matjurtagarðarnir?

Matjurtagarðar innan Reykjavíkurborgar eru á eftirtöldum stöðum og með því að smella á tengil er hægt að sjá hvaða garðar eru lausir. 

Garðar í Breiðholti við Jaðarsel verða ekki á vegum borgarinnar í sumar heldur hefur félagið Seljagarður tekið við rekstri á þeim görðum og getur fólk sótt um garð í gegn um Seljagardur.is.

Reykjavíkurborg útdeilir einnig görðum í Skammadal í Mosfellsbæ og verður búið að tæta þá þegar notendur taka við þeim - skoða lausa garða í Skammadal

Garðyrkjufélag Íslands sér um rekstur matjurtagarða í Stekkjarbakka og Grafarvogi norðan við Strandveg skv. samningi við Reykjavíkurborg.  Einnig eru íbúasamtök í Grafarholti með matjurtagarða á borgarlandi. 

Hvað kostar að leigja matjurtagarð?

Leigugjöld ársins 2021 eru óbreytt frá fyrra ári.  5.000 kr. fyrir garðland í Skammadal (u.þ.b. 100 fermetrar) og 4.800 kr. fyrir garð í fjölskyldugörðunum (u.þ.b. 20 fermetrar). Garðarnir í Grafarvogi, Árbæ og Fossvogi verða á kr. 3.400 kr. kassinn (8 fermetrar). Úthlutun garða verður afturkölluð hafi greiðsla ekki borist á eindaga.

Góð ráð og aðstaða í görðunum

Garðarnir verða merktir. Vatn er aðgengilegt á öllum svæðum. Garðáhöld, plöntur og útsæði fylgja ekki með görðunum. 

Notendur garðanna geta fengið græn og góð ráð um matjurtaræktun hjá starfsmönnum okkar með því að senda póst á matjurtagardar@reykjavik.is eða hringdu í síma 411 11 11. 

Hvernig er sótt um þjónustuna?

Upplýsingar má finna hjá umhverfis- og skipulagssviði í síma 4 11 11 11. Umsóknir sendist á netfangið matjurtagardar@reykjavik.is frá og með 15. mars 2021. 

Hvenær eru garðarnir afhentir?

Garðarnir verða afhentir 1. maí, en ef veður lofar geta garðyrkjendur byrjað fyrr.

Fyrirspurnir og/eða ábendingar

Fyrirspurnir sendist á matjurtagardar@reykjavik.is eða hringdu í síma 411 11 11.

Umhverfis- og skipulagssvið Reykjavíkurborgar.

Vefsíða uppfærð 3. febrúar 2021