Um laun kjörinna fulltrúa hjá Reykjavíkurborg fer samkvæmt ákvæðum samþykktar um kjör og starfsaðstöðu kjörinna fulltrúa. Á þessari síðu eru birtar upplýsingar um launagreiðslur til kjörinna fulltrúa samkvæmt ákvæðum samþykktarinnar.

Borgarstjóri þiggur laun frá Reykjavíkurborg að starfskostnaði meðtöldum samkvæmt ráðningarbréfi að upphæð 1.976.025 kr. Auk þess fær hann þóknun fyrir stjórnarformennsku í Slökkviliðinu á höfuðborgarsvæðinu, kr. 229.151.

Laun borgarfulltrúa voru lengstum tengd þingfararkaupi en í kjölfar úrskurðar kjararáðs nr. 2016.3.001 ákvað borgarstjórn á fundi sínum þann 15. nóvember 2016 að beina því til forsætisnefndar að ákveða að tímabundið taki laun borgarfulltrúa og launagreiðslur annarra kjörinna fulltrúa sem taka mið af þingfararkaupi ekki breytingu þrátt fyrir úrskurðinn. Í framhaldinu var samþykkt breytt tillaga um skipan launamála kjörinna fulltrúa hjá Reykjavíkurborg á þann hátt að tenging við þingfararkaup var afnumin og þess í stað var tekin upp tenging við launavísitölu til þess að endurspegla betur almenna launaþróun þannig að gætt verði samræmis við rammasamkomulag aðila vinnumarkaðarins.

Eftir breytinguna tekur heildarlaunakostnaður borgarfulltrúa og þóknanir annarra kjörinna fulltrúa breytingum til samræmis við launavísitölu. Grunnlaunin miða við þróun launavísitölu frá marsmánuði 2013 og uppfærast í janúar og júlí ár hvert.

Frá og með 1. janúar 2021:

Grunnlaun borgarfulltrúa: kr. 829.921
Grunnlaun 1. varaborgarfulltrúa kr. 580.945
Borgarfulltrúi fær greiddan starfskostnað kr. 59.937, til að mæta öllum persónulegum kostnaði vegna starfsins.

Borgarfulltrúi á rétt á 25% álagi á laun ef hann gegnir formennsku í fagráði/borgarstjórnarflokki eða ef hann situr í þremur eða fleiri fastanefndum.
Borgarfulltrúi sem situr í borgarráði á rétt á 25% álagi á laun, kjörinn varamaður á rétt á 6% álagi og formaður borgarráðs á rétt á 40% álagi.
Forseti borgarstjórnar á rétt á 25% álagi á laun.

Laun borgarfulltrúa með 6% álagi (varamaður í borgarráði) kr. 879.716.
Laun borgarfulltrúa með 25% álagi (s.s. vegna setu í þremur ráðum) kr. 1.037.401.
Laun borgarfulltrúa með 2*25% álagi (s.s. vegna setu í borgarráði og öðrum þremur ráðum) kr. 1.244.881. 

Laun 1. varaborgarfulltrúa með 6% álagi (varamaður í borgarráði) kr. 630.740.
Laun 1. varaborgarfulltrúa með 25% álagi (s.s. vegna setu í þremur ráðum) kr. 788.424.

Á þessari síðu eru birtar launagreiðslur til borgarfulltrúa frá Reykjavíkurborg auk launagreiðslna frá þeim sem greiða fasta mánaðarlega þóknun fyrir stjórnarmennsku. Það eru Félagsbústaðir hf., Strætó bs., Slökkvilið höfuðborgarsvæðisins bs., Faxaflóahafnir sf., Malbikunarstöðin Höfði hf., SORPA bs., Orkuveita Reykjavíkur, Brú lífeyrissjóður og Samband íslenskra sveitarfélaga. Varamenn í umræddum stjórnum fá greitt fyrir hvern setinn fund. Almannavarnanefnd greiðir aðeins fyrir setna fundi. Stjórn Samtaka sveitarfélaga á höfuðborgarsvæðinu fær ekki greitt fyrir stjórnarsetu en varamenn í stjórninni fá greitt fyrir þá fundi sem þeir sitja. Fyrir svæðisskipulagsnefnd og aðrar nefndir Samtaka sveitarfélaga á höfuðborgarsvæðinu er einnig greitt fyrir setna fundi. Þær tölur eru því allar breytilegar milli mánaða. Til stendur að taka saman upplýsingar um dagpeningagreiðslur til kjörinna fulltrúa og birta þær reglulega.

Upplýsingarnar í töflunni um nefndir innan Reykjavíkurborgar miða við janúar 2021 og verða næst uppfærðar í júlí 2021. Upplýsingar um stjórnarsetu á vegum Reykjavíkurborgar miðast við október/nóvember 2019.

Hægt er að smella á nöfn fulltrúanna til að fá frekari upplýsingar um þá.

Allar tölur eru birtar með fyrirvara um innsláttarvillur.

Borgarfulltrúar Grunnlaun Skerðing

Formennsku-

álag

Formennska í

borgarstjórnar-

flokki

Forseti

borgarstjórnar

Borgarráð 

Þrjár

nefndir

Starfs-

kostnaður

Stjórnarseta

á vegum

Reykjavíkurborgar

Björn Gíslason 829.921           207.480 59.937  
Dóra Björt Guðjónsdóttir 829.921   207.480     207.480   59.937  
Egill Þór Jónsson 829.921         49.795 207.480 59.937  
Eyþór Laxdal Arnalds 829.921     207.480   207.480   59.937  
Heiða Björg Hilmisdóttir 829.921   207.480     207.480   59.937  
Hildur Björnsdóttir 829.921         207.480 207.480 59.937 293.278
Hjálmar Sveinsson 829.921   207.480         59.937 239.718 
Katrín Atladóttir 829.921         49.795 207.480 59.937 175.560
Kristín Soffía Jónsdóttir 829.921     207.480       59.937 130.604
Kolbrún Baldursdóttir 829.921     207.480   207.480   59.937  
Líf Magneudóttir 829.921   207.480     207.480   59.937  
Marta Guðjónsdóttir 829.921         49.795 207.480 59.937 148.227
Pawel Bartoszek 829.921       207.480 49.795 207.480 59.937 130.604
Ragna Sigurðardóttir 829.921             59.937 228.558
Sabine Leskopf 829.921   207.480         59.937  
Sanna Magdalena Mörtudóttir 829.921     207.480   207.480   59.937  
Sigurborg Ósk Haraldsdóttir 829.921   207.480     49.795   59.937  
Skúli Helgason 829.921   207.480     49.795   59.937 130.604
Valgerður Sigurðardóttir 829.921         207.480 207.480 59.937 114.279
Vigdís Hauksdóttir 829.921         207.480 207.480 59.937  
Þórdís Lóa Þórhallsdóttir 829.921     207.480   331.968   59.937 439.743
Örn Þórðarson 829.921           207.480 59.937 130.604
Fyrstu varaborgarfulltrúar                  
Alexandra Briem 580.945           207.480 59.937  
Ásgerður Jóna Flosadóttir 580.945 50%       49.795   59.937  
Baldur Borgþórsson 580.945     207.480   49.795   59.937  
Daníel Örn Arnarsson 580.945         49.795   59.937  
Diljá Ámundadóttir Zoëga 580.945           207.480 59.937  
Ellen Jacqueline Calmon 580.945           207.480 59.937  
Elín Oddný Sigurðardóttir 580.945     207.480   49.795   59.937  
Ragnhildur Alda Vilhjálmsdóttir 580.945           207.480 59.937