Fundir íbúaráða Reykjavíkurborgar verða í fjarfundarformi á næstunni og verður því streymt á Facebooksíðu Reykjavíkurborgar. Áhugasömum íbúum sem vilja koma spurningum eða ábendingum á framfæri við sitt ráð er bent á að senda tölvupóst á tölvupóstfang viðkomandi ráðs í aðdraganda funda eða á meðan á þeim stendur.

Íbúaráð Grafarvogs fundar að jafnaði fyrsta miðvikudag í mánuði kl. 17. Tölvupóstfang ráðsins er ibuarad.grafarvogur@reykjavik.is
Íbúaráð Breiðholts fundar að jafnaði fyrsta mánudag í mánuði kl. 16.30. Tölvupóstfang ráðsins er ibuarad.breidholt@reykjavik.is
Íbúaráð Árbæjar og Norðlingaholts fundar að jafnaði annan þriðjudag í mánuði kl. 16.30. Tölvupóstfang ráðsins er ibuarad.arbaerognordlingaholt@reykjavik.is
Íbúaráð Miðborgar og Hlíða fundar að jafnaði fjórða þriðjudag í mánuði kl. 17. Tölvupóstfang ráðsins er ibuarad.midborgoghlidar@reykjavik.is.

Íbúaráð Kjalarness fundar að jafnaði annan fimmtudag í mánuði kl. 17. Tölvupóstfang ráðsins er ibuarad.kjalarnes@reykjavik.is
Íbúaráð Laugardals fundar að jafnaði annan mánudag í mánuði kl. 17. Tölvupóstfang ráðsins er
 ibuarad.laugardalur@reykjavik.is
Íbúaráð Vesturbæjar fundar að jafnaði þriðja miðvikudag í mánuði kl. 15. Tölvupóstfang ráðsins er ibuarad.vesturbaer@reykjavik.is
Íbúaráð Háaleitis- og Bústaðahverfis fundar að jafnaði fjórða fimmtudag í mánuði kl. 16.. Tölvupóstfang ráðsins er ibuarad.haaleitiogbustadahverfi@reykjavik.is
Íbúar Grafarholts og Úlfarsárdals fundar að jafnaði þriðja mánudag í mánuði kl. 17. Tölvupóstfang ráðsins er ibuarad.grafarholtogulfarsardalur@reykjavik.is

Íbúaráð eru starfandi í eftirfarandi hverfum Reykjavíkurborgar; Árbæ og NorðlingaholtiBreiðholti, Grafarholti og ÚlfarsárdalGrafarvogi, KjalarnesiHáaleiti- og BústaðahverfiLaugardalMiðborg og HlíðumVesturbæ.

Hlutverk íbúaráða er að styrkja tengingu og stytta boðleiðir milli íbúa og stjórnsýslu borgarinnar, stuðla að aukinni upplýsingagjöf til íbúa, styrkja möguleika þeirra til að koma sjónarmiðum sínum á framfæri og vekja athygli á áskorunum innan hverfisins.

Íbúaráð eru lifandi samstarfsvettvangur samráðs íbúa, bakhóps hverfisins, félagasamtaka, atvinnulífs og borgaryfirvalda. Íbúaráðin eru virkir þátttakendur í útfærslu á allri stefnumörkun hverfanna, ráðgefandi fyrir starfsemi þjónustumiðstöðva í hverfum og skulu stuðla að eflingu félagsauðs í hverfum Reykjavíkurborgar.

Þá stuðla íbúaráð að kynningu skipulags, framkvæmda og þjónustu borgarinnar í hverfunum og beita sér fyrir því að samráð verði haft við íbúa, allt eftir eðli máls hverju sinni. Íbúaráð skulu fá til kynningar auglýstar breytingar á skipulagsáætlunum er snerta hverfið, meginbreytingum á þjónustu auk kynninga á stærri framkvæmdum s.s. við umhirðu borgarlandsins og vor- og vetrarþjónustu.

Hverfissjóður Reykjavíkurborgar styrkir hverfisbundin félagasamtök, íbúa og aðra þá sem vilja leggja sitt af mörkum og standa fyrir hverfistengdum verkefnum og/eða viðburðum með framangreind markmið til hliðsjónar. Ákvörðun um úthlutun úr Hverfissjóði Reykjavíkurborgar er tekin af íbúaráðum Reykjavíkurborgar. Nánari upplýsingar má finna hér.

Íbúaráð eru skipuð sex fulltrúum. Borgarstjórn kýs þrjá fulltrúa og þrjá til vara. Tveir fulltrúar borgarstjórnar að lágmarki skulu vera úr hópi borgarfulltrúa eða varaborgarfulltrúa. Einn fulltrúi og annar til vara er skipaður af íbúasamtökum hverfisins og einn fulltrúi og einn til vara af foreldrafélögum hverfisins. Einn fulltrúi og annar til vara er valinn með slembivali úr hópi íbúa hverfisins. Borgarstjórn kýs formann íbúaráðs úr hópi kjörinna fulltrúa en íbúaráðin skipta að öðru leyti með sér verkum.

Borgarráð samþykkti tillögur um stofnun nýrra íbúaráða þann 2. maí 2019 og kaus borgarstjórn fulltrúa í ráðin þann 3. september 2019.

Íbúaráð eru vistuð á mannréttinda- og lýðræðisskrifstofu sem sér um skrifstofuhald fyrir ráðin. Starfsmaður íbúaráða er Heimir Snær Guðmundsson.