fimmtudagur, 27. desember 2018

Sérstök skotsvæði fyrir flugelda verða afmörkuð á Skólavörðuholti, Klambratúni og við Landakot á gamlárskvöld. Á þessum stöðum hefur safnast mikill mannfjöldi ár hvert og með þessu er verið að draga úr hættu á slysum af völdum skotelda.

  • Skólavörðuholt á gamlárskvöld
  • Á Skólavörðuholti var ákveðið í ljósi reynslunnar frá í fyrra að hafa skotsvæðin tvö
  • Starfsmenn Reykjavíkurborgar munu merkja skotsvæðin með keilum og borðum
  • Skotsvæðið á Skólavörðuholti í fyrra
  • Takmarkanir verða á umferð um Skólavörðuholtið frá kl. 22 - 01
  • Skotsvæði verður eins og í fyrra á Klambratúni
  • Keilum komið fyrir á Klambratúni
  • Nú í ár verður einnig afmarkað skotsvæði á Landakotstúni

Skotsvæði með traustum skotpöllum voru  afmörkuð með keilum á Skólavörðuholti og Klambratúni  í fyrra og nú bætist Landakotstún við. Sjóvá leggur til skotpalla, sem eru þungir samsoðnir hólkar, enda tryggir það öryggið að hafa trausta undirstöðu fyrir flugeldana. Gæsluliðar verða á þessum þremur stöðum meðan flestir koma þar saman á tímabilinu frá kl. 22 - 01.  

Þá má geta þess að Reykjavíkurborg hefur ákveðið í samstarfi við lögregluna að loka fyrir bílaumferð um Skólavörðuholtið til að tryggja betur öryggi íbúa og gesta á svæðinu. 

Frumkvæði íbúa         

Rakel Kristinsdóttir, íbúi í Hlíðunum, hefur í samvinnu við íbúasamtök og Reykjavíkurborg unnið að þessu verkefni. Hún segir að þegar mikill mannfjöldi safnist saman með skotelda aukist hættan verulega. Íbúasamtökin hafi haft af þessu áhyggjur og ekki viljað bara sitja hjá og vona að engin slys yrðu.  

Rakel kannaði  áhuga meðal íbúa í Hlíðunum að hittast á Klambratúni í stað þess að skjóta upp skoteldum í görðum og út á götu þar sem enginn er óhultur. Viðbrögð íbúa voru mun meiri en hún átti von á og margir sýndu stuðning um sl. áramót með því að að mæta á Klambratún.

Forsvarsmenn  Hallgrímskirkju og Landakotskirkju hafa gefið leyfi til að afmarka skotsvæði fyrir utan kirkjurnar, enda er haft í huga að staðsetja skotsvæði fjarri kirkjunum og hafa skotstefnu frá þeim.  

Tengt efni:   

Leiðbeiningar / Instructions:

Landakotstún / at Landakot:

Skólavörðuholt / at Hallgrimskirkja:

Klambratún / at Kalbratún: